اسپورٹس میں ہم بہت پیچھے ہیں، مزید محنت کرنا ہوگی، محسن نقوی

نگراں وزیراعلیٰ پنجاب اور پی سی بی گورننگ بورڈ ممبر محسن نقوی نے کہا ہے کہ اسپورٹس میں ہم بہت پیچھے ہیں، مزید محنت کرنا ہوگی۔

تفصیلات کے مطابق نگراں وزیراعلیٰ پنجاب محسن نقوی کا کہنا تھا کہ نیشنل گیمز میں ہماری چھٹی پوزیشن تھی۔ اسپورٹس میں ہم بہت پیچھے ہیں، مزید محنت کرنا ہوگی۔ 3 سال کا اسپورٹس کا کلینڈر بنایا ہے۔

انھوں نے کہا کہ تین سالہ کلینڈر اسپورٹس میں انقلاب لاسکتا ہے۔ اسپورٹس واحد چیز ہے جو قوم کو اکٹھا کرتی ہے

پی سی بی میں وزیراعظم پاکستان انوارالحق کے نامزد کردہ امیدوار محسن نقوی نے کہا کہ حکومت اور نجی سیکٹر مدد کرے گا تو اسپورٹس کامیاب ہوگا۔

واضح رہے کہ پاکستان کرکٹ بورڈ مینجمنٹ کمیٹی کی جانب سے گورننگ بورڈ تشکیل دیا گیا تھا جس میں وزیراعظم کے نامزد کردہ دو ممبران بھی شامل تھے۔

پی سی بی کی جانب سے اپنے آفیشل ٹوئٹر اکاؤنٹ پر اطلاع دی گئی تھی کہ وزیراعظم پاکستان انوارالحق کے نامزد کردہ نگران وزیرِ اعلیٰ پنجاب محسن نقوی اور مصطفیٰ رمدے کو بھی بورڈ میں شامل کیا گیا ہے۔

کرکٹ بورڈ کا کہنا ہے کہ گورننگ بورڈ آئین کے مطابق تشکیل دیا گیا ہے جس میں مصطفیٰ رمدے اور محسن نقوی پیٹرن کے نامزد نمائندے ہیں۔

خیال رہے کہ بورڈ آف گورنر کی تشکیل کے بعد امکان ہے کہ 3 سال کیلئے چیئرمین پی سی بی مینجمنٹ کمیٹی کا انتخاب عمل میں لایا جائے گا۔

Leave a Reply

Your email address will not be published. Required fields are marked *