اپنے والد کو نہ کبھی دیکھا نہ جانتی ہوں، صاحبہ کا انکشاف

ماضی کی معروف اداکارہ اور سینئر اداکار افضال خان (ریمبو) کی اہلیہ صاحبہ نے انکشاف کیا ہے کہ اُنہوں نے کبھی اپنے سگے والد کو نہیں دیکھا اور نہ ہی کبھی اُن سے ملاقات ہوئی۔

اداکارہ صاحبہ کا سوشل میڈیا پر ایک انٹرویو گردش کررہا ہے، جس میں انہوں نے والد کے حوالے سے حیران انکشاف کرکے مداحوں کو تشویش میں مبتلا کردیا۔

صاحبہ کا ساجد حسن کو دیئے گئے ایک انٹرویو میں کہنا تھا کہ میری پیدائش سے پہلے ہی میرے والد اور والدہ کے درمیان علیحدگی ہوگئی تھی، اس وجہ سے میں نے کبھی اپنے سگے والد کو نہیں دیکھا اور نہ ہی کبھی اُن سے ملاقات ہوئی۔

صاحبہ نے کہا کہ میرا بچپن میرے نانا کے گھر گُزرا کیونکہ والدہ فلموں کی شوٹنگ میں مصروف ہوتی تھیں اور والد نے چھوڑ دیا تھا تو اسی لیے میں اپنے نانا نانی ماموں وغیرہ کے زیادہ قریب تھی۔

انہوں نے بتایا کہ والد نے میری پیدائش کے بعد بھی کبھی مجھ سے ملنے کی تمنا نہیں کی، اسی وجہ سے میرے دل میں کبھی اُن کے لیے باپ والے جذبات نہیں ابھرے۔

صاحبہ کا کہنا تھا کہ میں جب 10 سال کی ہوئی تو میری والدہ نے دوسری شادی کرلی تھی اور میرے سوتیلے والد نے مجھے اپنے سگے باپ کی کمی محسوس نہیں ہونے دی، اُنہوں نے مجھے سگے باپ سے بڑھ کر چاہا۔

’مجھے بہت گالیاں پڑنے والی ہیں‘، پونم پانڈے کا اہم بیان سامنے آگیا

صاحبہ کا مزید کہنا تھا کہ میں اپنے سوتیلے والد کے بہت زیادہ قریب تھی، کیونکہ وہ میرے ساتھ ہمیشہ دوستوں کی طرح رہے، میں بھی اُن سے اپنی ہر بات شیئر کرتی تھی۔

اداکارہ نے بتایا کہ میرے سوتیلے والد پیشے سے پائلٹ اور زمیندار تھے اور 5 سال قبل ہی وہ فانی دنیا کو خیر باد کہہ گئے۔

Leave a Reply

Your email address will not be published. Required fields are marked *