’اینیمل‘ دیکھنے کے بعد رنویر سنگھ نے 40 منٹ سندیپ سے فون پر کیا بات کی؟

ہدایت کار سندیپ ریڈی وانگا نے انکشاف کیا ہے کہ فلم ’اینیمل‘ دیکھنے کے بعد رنویرسنگھ نے ان سے 40 منٹ تک کال کرکے بات کی۔

ہدایت کار اور اسکرین رائٹر سندیپ ریڈی وانگا اس وقت اپنی حالیہ ریلیز ’اینیمل‘ کی کامیابی سے لطف اندوز ہورہے ہیں۔ فلم میں رنبیر کپور، رشمیکا مندانا، ترپیتی ڈمری، بوبی دیول اور انیل کپور نے اہم کردار ادا کیے ہیں۔

ایکشن فلم کو او ٹی ٹی پلیٹ فارم نیٹ فلکس پر ریلیز کیا گیا ہے اور اس نے وہاں بھی کامیابی کے ریکارڈ توڑ دیے ہیں۔ صرف چند دنوں میں یہ سب سے زیادہ دیکھی جانے والی فلم بن گئی ہے۔

حال ہی میں فلم کے ہدایت کار نے ان کے اور بالی ووڈ اداکار رنویر سنگھ کے درمیان ہونے والی گفتگو کے بارے میں انکشاف کیا ہے۔

سندیپ نے ایک انٹرویو کے دوران بتایا کہ انھیں فلم ’اینیمل‘ کے حوالے سے متعدد فیڈ بیکس ملیں لیکن رنویر سنگھ کی باتیں ان کے ذہن میں رہ گئیں۔

انھوں نے کہا کہہ ان سے بات کیے 40 دن ہوچکے ہیں مگر ان کا رسپانس ایسا تھا کہ میں خود سوچ میں پڑ گیا کہ رنویر سنگھ نے کیا کہا ہے۔ انھوں نے مجھ سے تقریباً 40 منٹ تک فون پر بات کی۔

انھوں نے اس کے علاوہ مجھے جتنا ا لمبا پیغام بھیجا تھا وہ میں نے 3، 4 بار پڑھا ہے۔ میں بتا نہیں سکتا کہ وہ کیسا ہے، پر بہت مزہ آیا ان کا پیغام پڑھ کے!

رنویرسنگھ نے فلم ’اینیمل‘ کے بارے میں بہت سی باتیں لکھیں جن کے بارے میں میں نے سوچا بھی نہیں تھا کہ ارے یار یہ بھی ہے نہ فلم میں۔

واضح رہے کہ دسمبر 2023 میں ریلیز ہونے والی فلم بھارتی انڈسٹری کی ایک زبردست بلاک بسٹر فلم تھی جس نے بھارت میں 500 کروڑ سے زائد جبکہ دنیا بھر میں 1000 کروڑ بھارتی روپے سے زائد کی کمائی کی تھی۔

Leave a Reply

Your email address will not be published. Required fields are marked *