جماعت اسلامی کا الیکشن کمیشن، آراوز کے دفاتر کے باہر دھرنے کا اعلان

جماعت اسلامی کی جانب سے الیکشن کمیشن اور آر اوز کے دفاتر کے باہر دھرنے کا اعلان کردیا گیا ہے۔

تفصیلات کے مطابق جماعت اسلامی کے قومی اسمبلی کے تینوں امیدوار آفسز کے باہر دھرنا دیں گے۔ جماعت اسلامی کا کہنا ہے کہ آر اوز کو فارم 45 کے مطابق نتیجہ درست کرنے کی درخواستیں دی ہیں۔

کراچی میں آراو آفس لیاری کے باہرجماعت اسلامی نے احتجاج کیا تھا، جماعت اسلامی کے امیدوار عبدالرشید کا کہنا تھا کہ دھاندلی زدہ نتائج قبول نہیں۔ ہمیں جیتنے کے باوجود ہرا دیا گیا۔

سیدعبدالرشید نے کہا کہ سارا دن آر اوز اور ڈی آر آوز کے پیچھے بھاگتے رہے۔ کہا جارہا ہے پی پی اور ایم کیو ایم کی حکومت میں بیٹھیں گے تو جتا دیں گے۔

علاوہ ازیں کراچی میں بھی این اے244 کے نتائج میں تاخیراور تبدیلی کیخلاف ڈی آر او آفس کے سامنے پی ٹی آئی نے احتجاج کیا۔

پی ٹی آئی کے احتجاج کے باعث سڑک ٹریفک کیلئے بند یوگئی جبکہ پولیس اور رینجرزکی نفری تعینات کردی گئی ہے۔ این اے 244 سے آزاد امیدوار آفتاب جہانگیر مذاکرات کیلئے ڈی آر او آفس میں موجود ہیں۔

دریں اثنا ڈی آر او ساؤتھ نے جماعت اسلامی کی درخواست وصول کرلی۔ جماعت اسلامی نے احتجاج 3 گھنٹے کیلئےمؤخرکردیا ہے۔ شارع فیصل و دیگر مقامات پر احتجاج کا آپشن زیرغور ہے۔

Leave a Reply

Your email address will not be published. Required fields are marked *