دو دن پہلے پونم پانڈے کے ساتھ کیا ہوا تھا؟

نئی دہلی: اداکارہ اور ریئلٹی ٹی وی اسٹار پونم پانڈے کے آفیشل اکاؤنٹ نے اعلان کیا کہ وہ سروائیکل کینسر کی وجہ سے چل بسی ہیں۔ ان کی اچانک موت کی خبر نے سب کو چونکا دیا۔

ڈیزائنر روہت ورما نے اداکارہ کو یاد کرتے ہوئے انسٹاگرام پر ایک طویل نوٹ پوسٹ کیا۔ انہوں نے یہ بھی لکھا کہ انہوں نے دو دن پہلے پونم کے ساتھ شوٹنگ کی تھی اور ان کی موت کی خبر سے وہ صدمے میں ہیں۔

ڈیزائنر روہت ورما نے اداکار ہ پونم پانڈے کی موت کی خبر سننے کے بعد ایک نوٹ شیئر کیا، جس میں انہوں نے اداکارہ کو خراج تحسین پیش کرتے ہوئے ایک تحفہ قرار دیا۔

ڈیزائنر روہت ورما نے کا کہنا تھا کہ پونم نے صرف دو دن پہلے میرے نئے کلیکشن کے لیے میرے ساتھ شوٹنگ کی تھی اور اب مجھے ان کے انتقال کی یہ انتہائی افسوسناک خبر ملی ہے۔ ایک حیرت انگیز انسان اور سنہری دل والی لڑکی۔۔ پونم جلد ہی چلی گئی۔۔۔۔

پونم کے آفیشل انسٹاگرام ہینڈل پر شیئر کی گئی پوسٹ میں لکھا ہوا ہے کہ آج کی صبح ہمارے لیے اداسی سے بھری ہوئی ہے۔ ہمیں یہ بتاتے ہوئے انتہائی دکھ ہو رہا ہے کہ ہم نے اپنی پیاری پونم کو سروائیکل کینسر کے باعث کھو دیا ہے۔ غم کے اس وقت، ہم آپ سے پرائیویسی کی درخواست کرتے ہیں۔

واضح رہے کہ پونم پانڈے بھارتی فلم انڈسٹری کی مشہور و معروف ماڈل اور اداکارہ تھیں۔ انہوں نے 2011 کے کرکٹ ورلڈ کپ کے فائنل سے پہلے ایک ویڈیو پیغام میں وعدہ کیا تھا کہ اگر ہندوستان فائنل میچ جیت گیا تو وہ اپنے کپڑے اتار دیں گی۔

اداکارہ کا یہ بیان سامنے آنے کے بعد سوشل میڈیا صارفین کی جانب سے انہیں شدید تنقید کا نشانہ بھی بنایا گیا تھا۔ یہ دعویٰ سامنے آنے کے بعد وہ تنازعات میں گھر گئی تھیں۔

Leave a Reply

Your email address will not be published. Required fields are marked *