سرمایہ کاروں کو صدارتی انتخابات میں میری جیت نظر آرہی ہے، ٹرمپ کا دعویٰ

سابق امریکی صدر ڈونلڈ ٹرمپ نے دعویٰ کیا ہے کہ امریکی انتخابات سے قبل اسٹاک مارکیٹ بلند سطح پر میری وجہ سے گئی۔

غیر ملکی ذرائع ابلاغ کے مطابق ڈونلڈ ٹرمپ کا کہنا تھا کہ سرمایہ کاروں کو صدارتی انتخابات میں میری جیت نظر آرہی ہے، انہوں نے کہا کہ اسٹاک مارکیٹ میں میری جیت کودیکھتے ہوئے سرمایہ کاری ہورہی ہے۔

بائیڈن انتظامیہ نے کہا ہے کہ ٹرمپ اپنے دورکی بجائے ہماری کارکردگی کابھی کریڈٹ لیناچاہتے ہیں، ٹرمپ کیخلاف کپیٹل حملہ، ٹیکس فراڈ سمیت کئی مقدمات عدالتوں میں زیرسماعت ہیں۔

واضح رہے کہ گزشتہ روز سابق صدر ڈونلڈ ٹرمپ کو امریکی عدالت کی جانب سے 83 ملین ڈالر ہرجانہ ادا کرنے کا حکم سنا یا گیا تھا۔

بین الاقوامی خبر رساں ادارے کی رپورٹ کے مطابق نیویارک کی جیوری نے یہ فیصلہ ہتک عزت کے مقدمے میں سنایا ہے۔

سابق امریکی صدر کو لکھاری Jean Carroll کو 83 ملین ڈالر دینا ہوں گے جنہیں ٹرمپ نے سرعام جھوٹا کہا تھا اور ان کی توہین کی تھی۔

لکھاری Jean Carrollکی جانب سے الزام عائد کیا گیا تھا کہ سابق امریکی صدر ٹرمپ نے 1990 کی دہائی میں ان پر جنسی حملہ کیا تھا۔

امریکی سینیٹرز نے ایران پربراہ راست حملے کا مطالبہ کردیا

سابق امریکی صدر ٹرمپ نے ہتک عزت سے متعلق جیوری کے فیصلے کو مضحکہ خیز قرار دیدیا، ٹرمپ نے ہتک عزت کیس میں جرمانے کے خلاف اپیل داخل کرنے کا فیصلہ کیا ہے۔

Leave a Reply

Your email address will not be published. Required fields are marked *