شہر قائد کے مختلف علاقوں میں ہلکی بارش سے موسم خوشگوار

کراچی: شہر قائد کے مختلف علاقوں میں ہلکی بارش سے موسم خوشگوار ہوگیا جبکہ بعض مقامات پر پھسلن کے باعث موٹر سائیکل سوار گر کر زخمی ہوگئے۔

اے آر وائی نیوز کے مطابق آئی آئی چندریگر روڈ، ایم اے جناح روڈ، ناظم آباد، شارع فیصل، کلفٹن، ڈیفنس، صدر، ٹاور، اولڈ سٹی ایریا اور اطراف میں بارش ہلکی بارش ہوئی۔

واضح رہے کہ شہر قائد میں گزشتہ دو روز قبل ہونے والی بارش کا پانی بعض علاقوں سے تاحال نہیں نکالا جاسکا ہے، جس کے باعث شہریوں کو مشکلات کا سامنا ہے، سوک سینٹر کے سامنے بھی پانی تاحال موجود ہے۔

سعودی عرب کے تبوک ریجن میں شدید برف باری، موسم سخت سرد

دوسری جانب محکمہ موسمیات کا کہنا ہے کہ لاہور، اسلام آباد اور پشاور میں موسم سرد اور مطلع جزوی ابرآلود رہے گا جبکہ کشمیر اور گلگت بلتستان میں بارش اور پہاڑوں پر برفباری متوقع ہے۔

Leave a Reply

Your email address will not be published. Required fields are marked *