فائزہ خان کی کشمیر میں سیر و تفریح کی ویڈیو وائرل

شوبز انڈسٹری کی خوبرو اداکارہ فائزہ خان کی ایک ویڈیو سوشل میڈیا پر گردش کررہی ہے، جس میں وہ کشمیر کی وادی میں سیر و تفریح کرنے میں مصروف ہیں۔

اداکارہ فائزہ خان نے فوٹو اور ویڈیو شیئرنگ ایپ انسٹاگرام پر ایک ویڈیو شیئر کی جس میں انہیں کشمیر کے خوبصورت مقام پر خوشگوار موڈ میں دیکھا جاسکتا ہے، جبکہ پس منظر میں گانا ”ایک لڑکی کو دیکھا کو دیکھا تو ایسا لگا“ بھی چل رہا ہے۔

اداکارہ نے چند گھنٹوں قبل یہ ویڈیو شیئر کی ہے جسے مداحوں کی جانب سے خوب سراہا جارہا ہے اور اس پر تعریفی کمنٹس کا سلسلہ بھی جاری ہے۔

فائزہ خان سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔

اس سے قبل بھی اداکارہ نے ایک ویڈیو شیئر کی تھی جو وائرل ہوگئی تھی۔

Leave a Reply

Your email address will not be published. Required fields are marked *