News4

پاکستان تحریک انصاف کے 30کارکنوں کے خلاف مقدمہ درج

اسلام آباد: پاکستان کے دارالحکومت اسلام آباد میں پولیس نے بہارہ کہو میں پاکستان تحریک انصاف (پی ٹی آئی) کے جلسے کی تیاری کرنے والے 30 کارکنوں کے خلاف مقدمہ درج کیا ہے ۔پولیس نے بتایا کہ جمعرات کو درج کی گئی ایف آئی آر کے مطابق پولیس ٹیم کو اطلاع ملی کہ ڈھوک جیلانی گراؤنڈ میں 25 سے 30 افراد موجود ہیں جن میں سے 10 سے 15 افراد ہتھیاروں سے لیس ہیں اور پی ٹی آئی کا جلسہ کرنے کی تیاری کر رہے ہیں۔ اطلاع ملتے ہی پولیس موقع پر پہنچ گئی، جہاں پولیس نے 14 کی نشاندہی کی اور 22 دیگر نامعلوم افراد کو پی ٹی آئی رہنما شعیب شاہین کے حق میں نعرے لگاتے دیکھا گیا۔پولیس نے وہاں موجود لوگوں سے کہا کہ وہ اکٹھے نہ ہوں۔ ایڈیشنل ڈسٹرکٹ مجسٹریٹ کے 18 جنوری کو جاری ہونے والے حکم نامے کے مطابق ریلیوں اور عوامی تقریبات کے انعقاد پر مکمل پابندی عائد تھی۔ پولیس نے انہیں موقع سے جانے کو کہا لیکن وہاں موجود لوگوں نے مزاحمت کی۔ چار افراد نے پستول نکال کر پولیس کو سنگین نتائج کی دھمکیاں دیں۔

Leave a Reply

Your email address will not be published. Required fields are marked *