ڈونلڈ ٹرمپ گن کنٹرول کی مخالفت میں کھل کر سامنے آ گئے

پنسلوانیا: سابق امریکی صدر ڈونلڈ ٹرمپ گن کنٹرول کی مخالفت میں کھل کر سامنے آ گئے ہیں۔

روئٹرز کے مطابق ڈونلڈ ٹرمپ نے وعدہ کیا ہے کہ اگر وہ دوبارہ صدر منتخب ہوئے، تو آے ہی اسلحے کی خریداری پر پابندیاں ختم کر دیں گے۔

2024 کی صدارتی دوڑ میں ریپبلکن پارٹی کے سب سے آگے سابق صدر ڈونالڈ ٹرمپ نے جمعہ کے روز کہا کہ انھوں نے وائٹ ہاؤس میں رہتے ہوئے اسلحے کے حقوق کا مضبوطی سے دفاع کیا اور اس عزم کا اظہار کیا کہ اگر وہ دوبارہ منتخب ہوئے تو صدر بائیڈن کی لگائی تمام پابندیوں کو ختم کر دیں گے۔

ٹرمپ نے نیشنل رائفل ایسوسی ایشن (این آر اے) کے زیر اہتمام منعقدہ ایک تقریب میں ہزاروں حامیوں سے خطاب کرتے ہوئے کہا بائیڈن انتظامیہ نے اسلحہ بیچنے اور خریدنے والوں پر خلاف قانون پابندیاں لگائیں، میں یہ پابندیاں منسوخ کر دوں گا۔

نیشنل رائفل ایسوسی ایشن نے صدارتی الیکشن میں ٹرمپ کی حمایت کا اعلان کر دیا ہے، دوسری طرف ڈیموکریٹس ارکان کانگریس نے سابق امریکی صدر ڈونلڈ ٹرمپ کے بیان پر کڑی تنقید کی ہے، ان کا کہنا ہے کہ ٹرمپ فائرنگ کے واقعات روکنے کی بجائے بڑھانا چاہتے ہیں۔

Leave a Reply

Your email address will not be published. Required fields are marked *