کراچی: انتخابات میں ہارنے والے آزاد امیدواروں کا قانونی جنگ لڑنے کا فیصلہ

کراچی میں انتخابات میں ہارنے والے آزاد امیدواروں نے قانونی جنگ لڑنے کا فیصلہ کرلیا ہے۔

اے آر وائی نیوز کے مطابق جبران ناصر کی سربراہی مہیں 8 رکنی وکلا کی قانونی ٹیم کیسز دائر کرے گی، سیو گارڈ کراچی ووٹ وکلا پینل تمام جماعتوں کے امیدواروں کا کیس لڑے گا۔

وکلا کی ٹیم بغیر فیس کے پی ٹی آئی حمایت یافتہ امیدواروں کے مقدمات لڑے گی۔

ذرائع کے مطابق 20 سے زائد امیدواروں نے جبران ناصر ایڈووکیٹ اور وکلا سے ملاقات کی جن میں دوا خان صابر، سیف الرحمان، آفتاب جاہنگیر، یاسر بلوچ شامل ہیں۔

ملاقات کرنے والوں میں فہیم خان، عالمگیر خان، زین پرویز، محمد طحہ، عبدالقدیر، وجاہت صدیقی، رمضان گھانچی، مراد شیخ، جان شیر جونیجو شامل ہیں۔

جبران ناصر نے تمام امیدواروں کی جانب سے کیسز لڑنے کی یقین دہانی کروائی ہے، امیدواروں نے تمام حلقوں سے فارم 45 اور دیگر ثبوت وکلا کو فراہم کردیے۔

Leave a Reply

Your email address will not be published. Required fields are marked *